آلبوم کهندل پور

آلبوم کهندل پور

شعری زیبا از شاعر عزیز ایل قشقایی جناب آقای علم تقدیم به خواننده بزرگ ایل قشقایی جناب آقای ابراهیم کهندل پورکه مدتی ست در عرصه هنرسکوت اختیار کرده اند.

تقدیم اولسون
” ابراهیم خان کهندل پور “
ائلیمیزینگ بؤیوک ایرچی سی نه…
نه یاتموشانگ ابراهیم خان
تور کی آد و سان قالمادی
تور دیزه له تا واردیر جان
نغمه لی نیشان قالمادی

گؤزل لیک لر گئتدى گؤزدن
کار لاریمیز دوشدی دیزدن
یار و یولداش دؤندی بیزدن
کیخا گئتدى خان قالمادى گؤزلریمیزیاشدا قالدى
“باشکی مارال” باشدا قالدی
دابانوموز داشدا قالدی
اه ینیمیزده دون قالمادی

رآییمیزا رآی وئرن یوخ
چاغیرساگدا های وئرن یوخ
بو وطن ده پای وئرن یوخ
انصافلی ایمان قالمادى

ائلیمیزینگ یازی اؤلدى
گؤینوموزونگ اؤزی اؤلدى
فرود خانینگ سازی اؤلدى
سازلارى چالان قالمادی

کیانی دا کسدی گئتدى
طهمورث خان کوسدی گئتدى
حبیب خاندا آسدى گئتدى
تار گؤینى آلان اولمادى

سال سسه بو هارایلارى
اویارد اوتاى بو تاى لارى
باشلا لالاى لالاى لارى
لالا “نگار جان” قالمادی

چابالا اوجه_آلچاغی
گز یاغی لار گزن داغی
خزان تؤکدی یاشیل باغی
باغ هانی؟ باغبان قالمادی

چار به دووروم آلموش حیصار
بوغموش منی بوغونتولار
هاوار ابراهیم خان هاوار
دیزلریمده جان قالمادی
🍁🍁🍁🍁🍁🍁🍁🍁🍁🍁🍁🍁 #کهندلپور

شعرقشقایی#هنرقشقایی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *