قانلی قوشما(بهمن مرادی علمدارلو) های آقالار منیم گوٌلوٌم گوٌلنده پرپر آغلادی

گؤزلرینده قانلی پیکان دؤشینده خنجر آغلادی

دیده لریم دولدی قاندان سئل اولدی آخدی هر یاندان

ملائک لر آسماندان قوپولدی محشر آغلادی

اوٌرگ سازی غمه دؤندی آغلار گؤزیم نَمه دؤندی

مجلسیم ماتمه دؤندی ساقی و ساغر آغلادی

سئیره گلدی اوٌجه باشلار قمر اوٌزلر قلم قاشلار

فرات گؤزی تؤکن یاشلار زمزم و کوثر آغلادی

یارا باغروم یاندی آزدیم شادلوقوم کؤکینی قازدیم

قازدیم یئرینه غم یازدیم یازدیگیم دفتر آغلادی

قیزیل گوٌللر زولفی سوٍلدی بولوت گؤزدن یاشا دوٍلدی

فلک گؤیدن گریان اوٍلدی آی اینن ایلگر آغلادی

علمداروم علمی یوخ قوللارونونگ قلمی یوخ

کاکا دوٌشموٌش همدمی یوخ کاکاسیز لشکر آغلادی

خوب قوناقام بالام گئتدی منیم قول سیز کاکام گئتدی

باشی اوٌسته امام گئتدی الله اکبر آغلادی

ای غمی آغلار قویان ایککی جهانی تور گئدگ

یوللانور کربلایا غم کاروانی تور گئدگ

عاقبت اولدی سنه بو کنج ویرانه وطن

انتظار قویما قالا آرام جانی تور گئدگ

قویمادی دردینگ شمعی تاب و توان پروانه دا

یانموشانگ یاندورموشانگ جان جانانی تور گئدگ

گؤرمدینگ خوش گوٌن اجل هئچ وئرمدی مهلت سنه

سن بورا یاتما داها ترک ائد مکانی تور گئدگ

گل قووشول بو کاروانا یاتما قیزیم نازیم اویان

آلموشانگ مندن نچین تاب و توانی تور گئدگ

ای وفا روحی رقیه واری کؤچمیش گئدیرگ

طاقتیم یوخدور منیم چاقور قرآنی تور گئدگ

گل گئدگ هی دئمه کی کربلادا سوٍلموش گوٌلوم

ای غمی قان آغلادان کون و مکانی تور گئدگ

سن کی دائم آغلادینگ کربلانینگ سرورینه

ای حسینینگ زینب دن چوختر یانانی تور گئدگ

تا گؤرم عباسیمی آی دان گؤزل تر یاسیمی

اصغره آغلادمیشنگ سن آسمانی تور گئدگ

نابرابر میدانی اکبریمی ائتدی شهید

گوٌن تکین قالور اونینگ گوٌل آدسانی تور گئدگ

گؤر حسین اماموزینگ باشی هنوز قنوت دا دور

تا ائدر سجده هلز حی سبحانی تور گئدگ

مهربان ای ناز گوٌلوم قاسمه یانسون اوٌرگینگ

گَل منیم قوشمالاروم غملر دیوانی تور گئدگ

میخ اولموش آسمان دنیایا باخیر ایراقلار گؤز توروب دریایا باخیر

نه باخماگ دریادان دؤنمز بو گؤزلر پوزولموش باغچایی باغبانی گؤزلر

علمدار ساقی دئر قان مجلسینده دوٍلانموش آی باتا بایقوش کمینده

قیزارمیشدیر بولوت گؤیلرده قانلی ایاقلار یالین و چؤلّر تیکانلی

دوداقلار یازّیسی واری سویوزلیگ فراتینگ موجونه باتموش سوسوزلیگ

چادرلار قسمتی بوردا الوو دئر یازیلمیش هیه لر واریسی یُو دئر

یوودمازلار بو چؤلده باشلی لاری گوٌنینگ باشی روان دئر شاما ساری

بو منزل دَه کَسشلّر قول قاناتی بو مظلوم غیرتی اوتلار فراتی

بو یولدا ائتمیش اولدوز آیا دؤنمیش ایاق سیز باش کسیب ماوایا دؤنمیش

تا دونیا وار دؤشیمنه وار بیر اَسلَم بهاریم بایرامیم اولموش محرم

بو واویلایی باشلامیش سقیفه باقوشلادی قیلیچ ناکس حریفه

گؤرینگ هانسی یئره چاتمیش شقاوت بؤلَگ دن نَنی دن گچمز بو ملت

اوِ گوٌنٌ باش آلِ طاهادان کَسیلدی کی زهرا قاپوسی یاندی کوٌل اوِلدی

بو قومینگ ظلمی هئچ توبیخه گلمز بئله صنعت داها تاریخه گلمز

بوِیاندی کربلا قانی بوِیاقدان آنا مهری کَسیلمیش دئر اوشاقدان

او گوٌن کی کوفه باقلادی فراتی یاسا باتیردی کل کائناتی

دئمه کوفه ، اوٌرگ آلیشدی یاندی امامت باغچه سی بوردا تالاندی