#کیخا

یادبود ائیله‌رم شوخ گلرخونگ
هئچ بیلمه‌نم نه نیشانا گؤندرم
هئچ ساقی دلبره لیاقت یؤخو
بلکه جانوم اؤ جانانا گؤندرم

بهشت باغچه‌ سیندن بیتر ترگیاه
ابر زولفونگ سالوب خورشیده سایا
محضی بو کی یامان گؤز اؤغرامایا
صدقی دِلدن داعا ثانا گوندرم

• #ضربی_کیخا

چؤلده گزر کهر آتینگ قولونی
سیزی تاری مخمل ائدینگ جولونی
بیز گلمیشگ سیزینگ باغدان آپاراگ
قوده قوده غنچه غنچه گولونی

کیشنر آتوم اورگ چاپار دؤشیمنه
اوزونگ گؤردوم عشقینگ قاینار باشیمنه
من یاتموشام گئجه یاری دیشیمنه
باشوم اوسته دؤلانور آی پاراسی